أعربت والدة السباح الراحل يوسف عن حزنها الشديد مع انطلاق أول أيام الدراسة، حيث وجهت رسالة مؤثرة استحضرت خلالها ذكرياتها مع نجلها، معبرة عن اشتياقها له وتأثرها بغيابه، في كلمات لاقت تفاعلًا واسعًا عبر مواقع التواصل الاجتماعي.
وقالت والدة يوسف، عبر حسابها على موقع «فيس بوك»:«بفكر في أول يوم رمضان هيعدي إزاي من غيرك، اتخبطت في وشي في أول يوم مدرسة يا يوسف، وافتكرت وأنا بصحيك قبل روڤان عشان مبتتعبنيش وبتقولي حاضر وبوسة صباح الخير يا ماما، وافتكرت جمالك بلبس المدرسة ونظامك وفقرة تسريح شعرك وأحطلك كريم شعرك عشان مبتحبش إيدك تلزق».
وأضافت:«وصليت مكانك يا حبيبي، لبس المدرسة بتاعك مطبق مكانه وشنطتك مكانها ومقلمتك، كل حاجة إنت اخترتها بنفسك موجودة، بس إنت اللي مش موجود يا يوسف».
وتابعت قائلة:«وبعدين يا يوسف مشيت من غير سلام يا ماما ولا حضن ولا كلمة وداع، مشيت يا يوسف ومقولتليش أنا هتحمل الوجع ده كله إزاي».
