أثار مقطع فيديو متداول للفنان محمد صبحي جدلاً واسعًا على مواقع التواصل الاجتماعي، بعدما ظهر فيه منفعلاً على السائق المرافق له عقب تكريمه على مسرح الهناجر بدار الأوبرا المصرية. ويظهر في الفيديو التفاف الجمهور والمصورين حول صبحي لحظة خروجه، قبل أن يبدي انزعاجه من تأخر السائق في الوصول إليه.
وفي أول تعليق من أسرته، خرج نجل السائق ليوضح حقيقة ما جرى، مؤكدًا أن ما تم تداوله لا يعكس الصورة الكاملة للواقعة. وقال في رسالة بعث بها إلى إحدى الصفحات التي تناولت المقطع: “الراجل اللي بيجري وراه ده هو أبويا، واللي حصل أن أبويا راح الحمام، وللعلم هو عنده 65 سنة يعني مش صغير لما طلع هو مكلموش لأنه مش بيطلع معاه كثير أصلا. هو سواق أخته مدام سلوى عشان كده هو كان بيكلمها لما خرج.. وأبويا غلط آه معترضتش”.
وأضاف:“بس اللي حصل ده عيب جدا ولاقيت ناس عمالة تقول السواق مهمل والسواق مش عارف إيه ولازم يقف جنب العربية موقف طبيعي جدا، ووالدي طول عمره سواق وبيحصل مع كل الناس نفس الموقف ده وعادي بيعدي هو ما أجرمش”.
وختم قائلاً: “أنا طالب لو هتنزلي توضيح عشان الراجل ميبقاش متهان قدام العالم كله وكمان ألاقي كلام وحش من ناس لا عارفة ولا فاهمة اللي حصل، على فكرة أنا أبويا كان شغال مع واحد ومشي بسبب إنه قاله اغسل العربيات وده مش شغله.. يعني أبويا مش بيذل نفسه ولا هو اللي عمل كده في نفسه زي ما الناس بتقول”.
