أعلن مطعم “قصر الكبابجي” على صفحته الرسمية أن فرعه في الشيخ زايد سيغلق أبوابه يوم 15 ديسمبر الجاري، احتفالًا بافتتاح مطعم كبدة “البرنس” وعودة “كبير المعلمين” كما وصفه.
وقال مطعم “قصر الكبابجي” عبر صفحته: “في مهنة عمرها ما كانت «طبخ» وبس، في مهنة بناها رجال برجولتهم، بجهدهم، وبشرفهم، في مهنة علّمتنا إن الأصل مش في اليافطة الكبيرة..الأصل في اللي واقف وراها، يوم رجوع كبير المعلمين بيبقى يوم للتاريخ.”
وتابع: “والحقيقة اللي كل الناس عارفاها إن رجوع المعلم ناصر البرنس مش حدث عادي، ده رجوع ركن من أركان المهنة، وعشان كدا وإيمانًا منّا إن أهل الصنعة إخوة قبل ما يكونوا منافسين.”
وواصل: “قررنا يكون فرع الشيخ زايد هيكون في إجازة يوم افتتاح البرنس، مش إجازة تشغيل، إجازة احترام وتقدير، لإن يوم زي ده لازم نقف فيه كلنا، مش كأصحاب مطاعم، كأهل مهنة واحدة… بنفرح للي يرجع، وبنقف وراه، وبنقول للسوق: الجودة عمرها ما كانت سباق منفرد. كل فريق قصر الكبابجي من أصغر حد لأكبر حد هيكون واقف يومها مع الاخ الكبير لينا.”
وأكد المطعم أن الإغلاق سيكون كإجازة احترام وتقدير لعودة ناصر البرنس، وليس لأي سبب آخر، مشيرًا إلى أن هذه الخطوة تعكس روح الأخوة بين أهل المهنة رغم المنافسة.
