أكد الإعلامي أحمد موسى على ضرورة تكثيف الجهود الحكومية لتقديم حوافز استثمارية حقيقية وملموسة، لتعظيم الاستفادة من مؤشرات الاقتصاد الإيجابية واستقرار الوضع الأمني في البلاد.
وأضاف أحمد موسى: لازم المواطن يحس بالتغيير في المرتبات وفي المعاشات وفي أكله وشربه، عايز جيبه رقم واحد جيبه، مرتبه يزيد. المواطن عايز كده، وأي واحد تسأله إيه طلباتك؟ يقول لك: مرتبي مش مكفيني، تسمعها من كتير، محدش بيقول العكس، لازم يشتغل شغلانة و2 و3 عشان يكفيه الشهر. مين دخله النهارده بيكفيه الشهر؟ كام واحد؟ فده مطلب.
واختتم موسى: النهارده فيه سلع بتنزل؟ أيوه، واتكلمنا عليها الفترة اللي فاتت، انخفاض يمكن بنسبة 30 و40% لبعض السلع، عايزين نحافظ على ده، وكل ما الأسعار تنخفض المواطن يقول لك: أنا حسيت إن حاجة نزلت.
