علقت الفنانة لقاء الخميسي برسالة على خلفية الجدل المثار حول طلاق زوجها الكابتن محمد عبد المنصف من الفنانة إيمان الزيدي.
كتبت لقاء الخميسي من خلال خاصية الاستوري عبر حسابها بموقع «انستجرام»: دائما وأبدا الدنيا بتخبرنا وبتضغط علينا، وتغير حياتنا من حين لآخر وبتلخبطنا، ساعات بنحقق أحلامنا، وساعات بنتوه في الزحمة ونتنسى، بنقابل ناس بنحبهم، ونقابل ناس مش بتسطلطفنا، وناس بتحاربنا وناس تانية بتطبطب على قلوبنا، وناس بتعاندنا وبتحاول تكسرنا، لأن هم نفسهم مكسورين، ومش عارفين يصدقوا في نفسهم حتى، وهما ييحققوا اللي هما قرروا يحققوه، وحتى وهما ناجحين”.
وأضافت الخميسي: اختبار الدنيا مش سهل وعايز صبر ونفس طويل، علشان في أخر الطريق نعرف إحنا في الدنيا ليه، وإيه هي مهمتنا الأساسية غير إن إحنا نطور من نفسنا، وتتعلم الصبر ومتتضايقش من أي إنسان، حتى لو هو قرر يضايقنا”.
